دیوانی نوێی شیعرهکانی سهید کامیل ئیمامی (ئاوات)
نووسین و ئامادهکردنی: ئهنوهر سوڵتانی
شیعری ژمارە ١٤١
کاتی بەهارە
|
کاتی بەهارە چاوەکەم! بێ بچینە باغی دووبەدوو
گوڵ بچنین به هەردوو
دەس، بێینه سەما و
جوستوجوو (لاپەڕە ٣٤ و ٣٥ ی چاپی ئەنیسی و ١٧٨ ی چاپی جەعفەر) _______________________________________________ عینوانی شیعرەکە لە هەردوو چاپدا وەک یەکە. غەزەلێکی بن بزۆکە و خۆشی بەهارییە و شادیی لێ دەبارێت، واهەیە هەر ئەوەش هۆکار بێت کە گۆرانی بێژە کوردەکان بە گۆرانی گوتوویانەتەوە. وابزانم یەکەم جار نەمر محەممەدی ماملێ گوتی و دواتر کەسانی دیکەش گوتیانەوە. بە داخەوە لەبیرم نییە کێ.[2] هەندێ وشە و زاراوەی فارسی تێکەڵاوە. جوست وجوو: فارسییە. گەڕان بە شوێن کەس یان شتێکدا. مڵ ومۆ هەر تەڕەف: لە هەموولایەک. سازی تەڕەب کردن: سازدانی تەڕەب و شادی. شاخی گوڵ: شاخە بە فارسی دەبێتە لق. شاخی گوڵ دەبێ لقی دار یان بنجی گوڵ بێت. شاعیر بۆ پاراستنی کێش، لەجیاتی شاخە، شاخی نووسیوە. ڕەقس: سەما، هەڵپەڕکێ. ڕاستییەکەی من جیاوازیی واتای سەما لە هەڵپەڕکی ناناسم. ئایا هەردوکیان یەک نین؟ یا خود سەما جووڵەی لەش و لار ولەنجەیە و هەڵپەڕکێ هەڵبەز ودابەز؟ دڕانی دەف: فەوتان و نەمان. دەفی ئەدەب دڕا: بەهۆی شادی و خۆشییەوە ئەدەب لای خەڵک نەما. دەوا: دەرمان نەمانی شتێک [تەنانەت] بۆ دەوا: نەمانی کەم تا زۆری شتێک. شاعیر دەڵێ تۆزقاڵێکیش شەرم و حەیا و ئابڕوو لای مرۆڤ نەما! بە عەشقی بووکی بولبول...: ئەوەی خونچە بووکی بولبول بێت، کێشەیەک نییە و جوانیشە. ئەوەش کە بڵێین دڵ بە عەشقی بووکی بولبول بۆتە خەسوو، زۆر جوانە. بەڵام لەوەدا قسە هەیە کە چۆن بە عەشقی بووکی بولبول، خونچە بۆتە بووک؟ فکری بیکر: بیری نەسمڕاو، بیری تازە و نەبیسترا و و نەبینراو و تیژ. خونچە بەشوودان: تەعبیرێکی تازە و جوانە. بولبول و قومری کە دەبێ ڕەقیب و بەرهەڵستکاری یەکتر بن، لێرەدا خونچە گوڵ پێشکەشی یەکتر دەکەن. توو: تۆو دەنکی ئەسەف بە توو کردن: واتە شاعیر دەنکی حەسرەت دەچێنێت بۆ ئەوەی لە دواڕؤژدا شین بێت و بیدروێتەوە و تەنانەت لە دواڕۆژیشدا دوور لە ئەسەف و حەسرەت و خەفەت نەبێت. بەحری عەرووزی شیعرەکە: رجز مثمن مطوی مخبون: مفتعلن مفاعلن // مفتعلن مفاعلن [1] . هەموو /واو/ ی کۆتایی سەرواکان لە چاپی ئەنیسیدا یەکن (جو، زو، بو، ڕو،...تو) و لە چاپی جەعفەردا دوان (جوو، زوو، بوو، ڕوو، ...توو). [2] . بە دەنگی ماملێ لە سەر یوتیووب: https://www.youtube.com/watch?v=GyiVA31sMGY
|