دیوانی نوێی شیعرهکانی سهید کامیل ئیمامی (ئاوات)
نووسین و ئامادهکردنی: ئهنوهر سوڵتانی
شیعری ژمارە ١٤٣
چاوەکانم
|
تۆ نەخۆش بی، ژیانی من سوێرە[1]
چاوەکانم به
لەرزەکەت
کوێرە
دوور لە یەک
کەوتنەوه
گرنگه،
"عومەر"! بۆکان، ١٣٥٣ ی هەتاوی (لاپەڕە ١٠١ و ١٠٢ ی چاپی ئەنیسی و ١٨٥ ی چاپی جەعفەر) _____________________________________ عینوانی شیعرەکە لە چاپی ئەنیسیدا 'کۆرپەی دڵ' ە، کە لە فەردی سێهەمی شیعرەکە وەرگیراوە و شاعیرانەترە لە 'چاوەکانم' کە دیارە ئەویش هەر لە فەردی یەکەمی شیعرەکە وەرگیراوە. شیعرێکە لە بابەتی 'ئیخوانیات' و قسەی نێوان بنەماڵە و کەس وکار. تەنزێکی نەرمی تێدایە بابەتی شیعرەکە، هەواڵپرسی کردنی ئاواتە لە برازایەکی خۆی- سەید عومەری هاشمی، کوڕە چکۆلەی حاجی سەید محەممەدی هاشمی (سەیدی زەنبیل).[2] لە شیعرەکە وا دەردەکەوێت کە سەید عومەر نەخۆش کەوتبێت و بۆ چارەسەری نەخۆشی لە زەنبیلەوە چووبێتە شارێک کە ڕوون نییە کوێیە (بۆکان، تەورێز، تاران، یا...؟)، ئاواتیش بەم شیعرە هەواڵی پرسیبێت و داوای چاک بوونەوە و گەڕانەوەی بۆ کردبێت. دەبێ نێوانی مام و برازا زۆر خۆش بووبێت لەبەر ئەوەی دوورییەکەی ئەو بە تاوێرێک دادەنێ کە بە سەر مامیدا کەوتووە و بە گیانەکەم خیتابی پێ دەکات و دەڵێ مامەکەت بە قوربانت بێت. چاوەکانم بە لەرزەکەت کوێرە: دەبێ سەید عومەر تووشی یاو و لەرز هاتبێت. دڵی ئێمە بە شەخسێ بسپێرە: لام وا نییە شەخس لێرەدا شەخس و چاک بێت، بەڵکوو هەر شەخس و کەسی ئاساییە. واتە دڵی ئێمە لای تۆیە، کە خۆت دەڕۆی ئەوان بەجێ مەهێڵە و بیانسپێرە بە دەست کەسێک. بانەمەڕ چوو، چ وەختی هاوێرە؟: بانەمەڕ، یان گوڵان، مانگی دووهەمی بەهارە. هاوێر: لە ئێکتر جیاکردنەوەی ماک و زا (هەنبانە بۆرینەی مامۆستا هەژار). ئاوات لە میسراعی پێشوودا سەید عومەر بە 'کۆرپەی دڵی هەموومان' ناودەبات. ئەو جیاکردنەوەیەی دایک و بێچووەش تەنیا لەو پەیوەندەدا واتادەداتەوە. قسەی شاعیر ئەوەیە: تۆ کە کۆرپەی دڵی ئێمەی بۆ لێمان جیاکەوتوویەتەوە؟ وەرەوە! ئاوات لە ساڵی گوترانی شیعرەکەدا ٧١ ساڵان بووە بەڵام نازانم برازاکەی دەبێ چ تەمەنێکی بووبێت، بە گومانی من، دەبێ لەو ساڵەدا ٣٠ تا ٣٥ ساڵان بووبێت. تاوێر: بەردی خلۆرەوەبوو لە بەرزی کێو (هەنبانە بۆرینە). هەرکەسی کەوتە بەر...: دەگەڕێتەوە بۆ فەردی پێشوو: هەرکەس وەبەر تاوێر بکەوێت، حاڵی پەرێشان دەبێت. واتە حاڵی ئێمەش بە دووریی تۆ پەرێشانە. وردوپردی دەکا: ئەم فەردەش دەگەڕێتەوە بۆ هەمان فەرد، ورد وپرد کردن، هاڕین. پرد لێرەدا لەفزی موهمەلە و هەمان واتای ورد دەدات. شاڵاو: هێرش گێرە: هەنبانە بۆرینە بە 'خەرمان کوتان' ی واتا کردۆتەوە کە لە باری ڕێزمانەوە، کردارە؛ بەڵام گێرە 'ناو' یشە و کەرەسەی خەرمان کوتانە، جەنجەڕ. بەحری عەرووزیی شیعرەکە: خفیف مسدس مخبون محذوف: فاعلاتن نفاعلن فعلن [1] چاپی ئەنیسی: ژییانی من [2] حاجی سەید محەممەد چوار کوڕ و دوو کچی هەبوون: عەلیشا، سەید ئەنوەر، سەید عومەر، سەید ئەسعەد، ساحبە خاتوون و سارا خاتوون (سپاسی کاک جەلال سەیادەت دەکەم بۆ ئەو زانیارییە).
|