دیوانی نوێی شیعرهکانی سهید کامیل ئیمامی (ئاوات)
نووسین و ئامادهکردنی: ئهنوهر سوڵتانی
شیعری ژمارە ١٥٥
داخی تۆ سەختە
|
داخی تۆ سەختە، لەسەر دڵ چڵ دەدا و دەکولێتەوە[1] مامی پیریشت لە تاوت، گیانە، هەر دەخولێتەوە
مانگی ڕێبەندانە بۆیە
بەندی جەرگ و دڵ پسا ٣/١١/١٣٥٥ ی هەتاوی
(لاپەڕە
١١٣ و ١١٤ ی چاپی ئەنیسی
و ٢١٨ و ٢١٩ ی چاپی
جەعفەر) عینوانی شیعرەکە لە چاپی ئەنیسیدا "گرێ پووچکەی دڵ"ە. هەردوو عینوانەکان لە ناوەرۆکی شیعرەکە وەرگیراون.
شین گێڕییە بۆ کۆچی دوایی عەلیشا، کوڕەگەورەی سەیدی زەنبیل و برازای ئاوات. ئەو ڕاستییە هەم لە شیعرەکە دەردەکەوێت: کە دەڵێ "مامی پیریشت..." و هەم لە یادداشتی ناو پەراوێزی شیعرەکە لە چاپی جەعفەردا، کە نووسیویەتی: بۆ کۆچی دوایی برازای خۆشەویستی، خوالێخۆشبوو "عەلی شا".
شاعیر ئەم چەشنە شین گێڕییانەی بۆ زۆرێک لە ئەندامانی نێرینەی بنەماڵەکەی خۆی گوتووە (برا، برازا، مام و ئامۆزا)، کە هەندێکیانمان لە ژمارەکانی پێشووی ئەم زنجیرەیەدا بینیوە (بۆ نموونە، مەفەرموو من نەماوم، ژمارە ١٤٨) کە بۆ مردنی کاکی نووسیوە و یەکیتریان ڕاست بەشوێن ئەم ژمارەیەدا دێت کە ئەویشی بۆ مردنی کاکی نووسیوە (تەنیا مامەوە، ژمارە ١٥٦)، لای کەم دوو پارچەشی بۆ کۆچی دوایی مامی هۆندۆتەوە.
چڵدان: یان چڵ لێدان، لێدانی دەمارێکی لەشە (بەگشتی دڵ)، بە ڕادەیەکی توندتر لە ئاسایی. لە کاتی ناڕەحەتی و خەفەتدا دڵ چڵ دەدات.
کولانەوە: تازە بوونەوە و بە ناسۆر کەوتنی برینە.
ڕێبەندان: مانگی ناوەڕاستی زستانە و جەنگەی سەخڵەت و سەرما. شاعیر دەڵێ هەر خۆم بە هاتنی ئەو مانگە ناخۆشە بەندی دڵم پسابوو، وا ئێستا کاتێ بیر لە [مردنی] تۆ دەکەمەوە، ئەویشم لێ دەکولێتەوە و سەرلەنوێ دەپسێتەوە.
ئەمنیش جەرگ و دڵ: دەبێ لەگەڵ میسراعی دوای خۆیدا بخوێنرێتەوە: جەرگ و دڵی ئەمنیش وەکوو مۆم هەڵبووە و گڕ دەگرێت و ناکووژێتەوە.
دەگڕێت: گڕ دەگرێت، دەسووتێت.
کوتوپڕ: لەپڕ. بە مردنێکیش دەگوترێت کە بەهۆی وەستانی دڵ یان مێشکەوە بێت و لەپڕ کەسەکە بکووژێت. کوتوپڕ بم واتە بە سەکتە و وەستانی دڵ بمرم ئەگەر ساتێکیش تۆم لەبیر بچێتەوە.
بستۆ: ملەی کێو.
داخۆ تازە...: لەو زیادەڕۆییانەیە کە تەنیا شاعیر و هونەرمەند دەتوانن بیکەن بێ ئەوەی ناحەز نەبێت! لە قسەکردنی ئاساییدا ئەگەر کەسێک بڵێ برازاکەم مردووە و ئیتر دوای ئەو لە دنیادا گوڵ شین نابێت، بیسەر پێی پێدەکەنێت بەلام شاعیر دەیڵێت و جوانیشە! ئاوات دەپرسێت ئایا بە بێ عەلیشای برازام گوڵ شین دەبن؟ یان تەنانەت واهەیە کۆرپەی هیوای هەموو گەڵ بتوانێت باڵا بکات؟
تازە نابیمنم ئەوانە...: "ئەوانە" کێن؟ دەبێ کەس وکاری لەدەستچووی شاعیر بن. حاجی سەید محەممەدی کاکی شاعیر دوو ساڵ پێش عەلیشا کۆچی دوایی کردبوو و حاجی بابەشێخی مامیشی ١٧ ساڵ پێشتر.
ساڵی پەنجا و نۆ بوو: ساڵی ١٣٥٩ ی کۆچیی هەتاوییە. ٣ ی ڕێبەندانی ئەو ساڵە دەکاتە ٢٣/١/١٩٧٧ ی زایێنی.
بەحری عەرووزیی شیعرەکە: رمل مثمن محذوف: فاعلاتن فاعلاتن فاعلاتن فاعلن
|