دیوانی نوێی شیعرهکانی سهید کامیل ئیمامی (ئاوات)
نووسین و ئامادهکردنی: ئهنوهر سوڵتانی
شیعری ژمارە ١٦٧
تۆبە بێ!
|
من سەگێکی ڕووت وقووتی ڕانەکەی تۆم، تۆبە بێ! پەت لە مل، ئامادەباشی شوانەکەی تۆم، تۆبە بێ!
تۆ تەبیبی حازیقی دەرد و بەڵای، من دەردەدار دڵنەخۆش و
چاوەڕێی دەرمانەکەی تۆم،
تۆبه بێ! چاوەڕێی
لوقمێکی چەور و نانەکەی
تۆم، تۆبه بێ! ڕووی دەوێ
لەو نەسله بم، گاوانەکەی
تۆم، تۆبه بێ! چۆن بکەم من؟
خاکی دەرکوبانەکەی تۆم،
تۆبه بێ! من فەقیرم
خۆ، گەدای دەربانەکەی
تۆم، تۆبه بێ!
هەر بڵێ قوربان! سەگی
ئاسانەکەی تۆم، تۆبه بێ! جەمیان، ١٣٣٠ی هەتاوی (لاپەڕە ١٠ و ١١ ی چاپی ئەنیسی و ٢٣٣ ی چاپی جەعفەر ) ______________________________________
عینوانی شیعرەکە لە هەردوو چاپدا وەک یەکە و ئەویش بەشێک لە ڕەدیفی "تۆم تۆبەبێ"ی شیعرەکەیە. غەزەلەکە 'مردف' ە. شیعرێکی ئایینییە و لە ستایشی پێغەمبەری ئیسلامدا گوتراوە. ئەو شێوە پێداهەڵگوتنەی پێغەمبەر لە شیعری شاعیرانی دیکەی کورد وەک شێخ حەسەنی مەولاناوایی و ئەحمەدی کۆر و زۆر شاعیری دیکەشماندا بینراوە. من سەگێکی...: ئەوەی مرۆڤ خۆی بە سەگی بەر دەرگای پێغەمبەر و ئیمام و شێخ و ... بزانێت، بۆ ئایینی ئیسلام سەمەرە نییە کە خەڵک هەموو عەبد واتە کۆیلەی خودان و ئەوەش گەلێک جیاوازە لە پێگەی مرۆڤ لە مەسیحییەت و بویسم دا، بەڵام زۆر نزیکە لە ئایینی مووسایی. پەت لەمل: درێژەی بۆچوونی میسراعی پێشترە، کە لەوێدا گوتی: من سەگێکی... ئامادەباش: تەعبیرێکی فارسییە بە واتای حازر بوون بۆ خزمەت و کار کردن. تەبیبی حاذق: عەرەبییە، طبیب حاذق پزیشکی لێزان و لە دەردو ئازار تێگەیشتووە. بێ واز: بەکوردیکراوی بێ وەزع وحاڵە بە واتای بێ تاقەت و ناساغ. لەدەرکت کەوتووم: درێژەی هەمان بۆچوونی فەردی یەکەمە، کە شاعیر خۆی بە سەگی بەردەرگای شاعیر داناوە و دەڵێ وەک ئەو، منیش لەبەر دەرگات کەوتووم. چاوەڕێی لوقمێکی چەور و نان: ئەوەش لە هەمان بابەتی فەردی یەکەمە. چاوەڕوانی پاروویەکی چەور و لەتە نانێکی تۆم، کە دیارە ئەویش بریتییە لە ئاوڕدانەوە و لێپرسین و بەخشین، یان تکای بەخشین بۆ کردن، لە لایەن پێغەمبەرەوە لە ڕۆژی قیامەت. نەسلی پاک: نەوەی پاک، جیلی پاک، ئاماژەیە بەوەی شاعیری شیعرەکە سەیید بووە و سەیید بە "ئەولادی پێغەمبەر" دەزانرێت. ڕووی دەوێ: یانی کەسێک قسەی وا بکات دەبێ ڕووهەڵماڵراو و بێ حەیا بێت؛ بەڵام من وا نیم، کەوابوو گاوانی تۆم! خاشاک: تۆز وخۆڵ و بابردەڵە؛ شتی سوکی بێ قیمەت کە با بتوانێت بیبات، وەک پەڕی کا. فارسییە. دەرک وبان: بەردەرگای ماڵ، شوێنی گشتی بۆهاتوچۆی خەڵک. ئەمیری ئینس و جان: واتە سەروەر و ئاغای هەموو ئینسان و جندۆکان، کە لە باوەڕی بەشێک لە خەڵکدا، پێغەمبەری ئیسلامە. سەییدی سەروەر: نیاز لەو سیفەتەش هەر پێغەمبەری ئیسلامە کە بە گوێرەی باوەڕی موسوڵمانان، گەورە و سەروەری هەموو مەخلووقاتی خودایە. دە دەرکی: لە دەرکی. شێوەزاری ناوچەی مەهابادە. بەحری عەرووزیی شیعرەکە: رمل مثمن محذوف: فاعلاتن فاعلاتن فاعلاتن فاعلن
|