دیوانی نوێی شیعرهکانی سهید کامیل ئیمامی (ئاوات)
نووسین و ئامادهکردنی: ئهنوهر سوڵتانی
شیعری ژمارە ١٨٠
ئەی خودا
|
دەمکوژی بەم دەردەوە یا چارەیی دەردم دەکەی؟ ئەی خودا! هەر هەڵوەدا و موحتاجی نامەردم دەکەی؟
هەروەکوو جاران لە سەر تەختی مرادم دادەنێی؟ یا نه، شووم و ماڵخراپ وەک کوندی سەر بەردم دەکەی؟
عاشقی ڕوخساری لەیلا، وێڵی هەر هەردم دەکەی؟
یا نه، مەحڕوومم له گوڵشەن، مات و دڵسەردم دەکەی؟
ئێسته بێلوتفی، که تووشی سەد خەم و دەردم دەکەی
گەردیگلان، ١٣١٩ی هەتاوی (لاپەڕە ٧١ و ٧٢ ی چاپی ئەنیسی و ٢٥٩ ی چاپی جەعفەر) ______________________________________________
عینوانی شیعرەکە لە چاپی ئەنیسیدا "دڵ بەخەم"ە.
وەک زۆرێکی دیکە لە شیعرەکانی ئاوات، پاڕانەوەیە لە دەرگانەی خودا، بەڵام لەچاو ئەوانیتر چەند تایبەتمەندییەکی هەیە: یەکەم، هەنگاوێک لەو سۆفییە بێ دەست و پێ و تەسلیم بووەی جاران چۆتە پێشەوە و لێرەدا دەوێرێت پرسیار لە خودا بکات. دووهەم، باس لە ڕابردووی ژیانی خۆی دەکات و بە شێوەیەکی ئەرێنی هەڵیدەسەنگێنێت بۆ نموونە دەڵێ "جاران لەسەر تەختی مراد بووم و بە لوتفی تۆ هیچ خەم و دەردم نەبوو و لە نێو خۆشبەختەکاندا تاقانە و بێ نیاز بووم" و... ئەوەش دیاردەیەکی نوێیە لە شیعرەکانی ئاواتدا. پێشتر گلەیی کردنی لەخودا هەر ئەوە بوو کە لە ژیاندا خۆشی نەبینیوە و هەمیشە لە خەم و پەژارە دا ژیاوە. سێهەم، دەڵێی شاعیر هیوایەکی هاتۆتەوە بەر، بۆ نموونە دەپرسێ ئایا "من لەمەولا دەچمە نێو گوڵزاری عیشق؟" هەر ئەو پرسیارە لە مەفهوومی پێچەوانەیدا دەبێتە ئەوەی خودایە ئەگەر تۆ لێمبگەڕێی و لێم تێک نەدەی، پێمخۆشە بچمە نێو گوڵزاری عیشقەوە. هەڵوەدا: هەردەوێڵ، ئاوارە، شوێنکەوتووی شتێک نامەرد: خەڵکانی خۆخۆشەویستی خراپەکاری دوور لە جوامێری و ئازایەتی و بەخشندەیی. کوند: باڵندەیەکی جوانی لەچاو باڵندەکانیتر تێگەیشتووە بەڵام لەبەر هۆکارێکی نەناسراو لەناو کۆمەڵگاکانی ناوچەی ئێمەدا بە شووم و "بەدقەدەم" ناسراوە و گوایە لەسەر هەر بینایەیەک هەڵنیشێ، دەڕووخێت، هەربۆیەش لە مالان دەری دەکەن و کەلتوورە سەیر وسەمەرەکەی ئێمە تەنیا مۆڵەتی ئەوەی پێدەدات لەسەر تاشە بەرد هەڵنیشێت! دڵ بەدەست دێنم...: وێدەچێت نیازی شاعیر ئەوە بێت ئایا وەک خەڵکی دیکە عاشق دەبم و ئەوینێکی ئاساییم دەبێت و دەگەمە دڵدارەکەم یان وەک مەجنوون تەنیا عاشقی لەیلا دەبم و بۆی دەبمە هەردەوێڵ؟ پەژموردە: لە فارسیدا سیس و ژاکاوە؛ لێرەدا خەڵکانی تەنیا و سەرنەکەوتوو واتا دەداتەوە. فەرد کردن: تاک خستنەوە، تەنیا هێشتنەوە و دابڕاندن لە دەوروبەر. رمل مثمن محذوف: فاعلاتن فاعلاتن فاعلاتن فاعلن
|