دیوانی نوێی شیعره‌کانی سه‌ید کامیل ئیمامی (ئاوات)

نووسین و ئاماده‌کردنی:á ئه‌نوه‌ر سوڵتانی

 شیعری ژمارە ٢٠٦

گڕوو

 

 

کوانێ خورشیدی شەوی دەیجووری من؟

کوانێ دەرمانی دڵی ڕەنجووری من؟                                                      

ئەی فیدات بم، یاری بێ‌مێهر و وەفا!
وا منت کوشت تۆ به سەد جەور و جەفا

نەتدەزانی عاشقی باڵاته دڵ؟
نەتدەزانی مشتەری کاڵاته دڵ؟
[1]

ئاڵ‌وواڵات بۆ منه، من موبتەلام
من قەزاوەگێڕی هەر دەرد و بەڵام

یاری تۆ هەر تۆی دەوێ، ڕۆژ و شەوێ
گەر گڕوو بگرێ، بە کەس داناکەوێ
[2]

عاشقی زارت مەکە بێزاری خۆت
باش بناسە موبتەلای ئازاری خۆت

            وا "ئیمامی" تووتی
یی گوڵزارتە[3]
            چاوەنۆڕی قەندی لێو و زارتە
                        قاقڵاوا، هاوینی ١٣٤٥ی هەتاوی

(لاپەڕە ٢٠٣ ی چاپی ئەنیسی و ٣٣٣ ی چاپی جەعفەر)

_______________________________

عینوانی شیعرەکە لە هەردوو چاپدا وەک یەکە.

شیعرێکی ساکاری غەرامییە لە تەمەنی ٦٣ ساڵیی شاعیردا گوتراوە، دەستەوشەکانی گەلێک ساکارن و سەنعەتی شیعری زۆری تێدا بەرچاو ناکەوێت. هەست دەکرێت شاعیر هەوڵێکی میکانیکی دابێت بە دەستە وشەی سواوی زۆر لەکار کراو سەرواکان ڕێک بخات، بۆ نموونە بێ میهر و وەفا لەگەڵ سەد جەورو جەفا و....

دەیجوور: شەوی تاریک و درێژ وەک شەوی سەرەتای زستان

ئاڵ و واڵا: ڕەنگاوڕەنگ

موبتەلا: گیرۆدە

قەزاوەگێڕ: بەڵا گێڕەوە

گڕوو: بیانوو

داکەوتن: هێور بوونەوە، دەست هەڵگرتنیش

موبتەلای ئازاری خۆت: واتە شاعیر گیرۆدەی دەرد وئازاری دڵدارەکەیەتی و ئەوەی بەڕوودا دەداتەوە.

چاوەنۆڕ: چاوەنواڕ، چاوەڕوان

بەحری عەرووزیی شیعرەکە،    

 رمل مسدس محذوف: فاعلاتن فاعلاتن فاعلن


 

[1] چاپی ئەنیسی: کالا

[2]  چاپی ئەنیسی: گڕو

[3]  چاپی جەعفەر: تووتیی

 

www.rojhalat.de / www.bokan.de