سەرەتا
بۆ
نامە گۆڕینەوەی شیعریی ئاوات لەگەڵ شاعیرانی ناوچەی موکریان
لێرە بەدواوەنامە شیعرییەکانی ئاوات دەست پێدەکەن کە بە کوردی و فارسین.
یەکەم، نامە کوردییەکان.
ئاوات ئەم نامە شیعرییانەی بۆ دۆست و برادەری نزیکی خۆی نووسیون و ئەوانیش بە شیعر وەڵامیان داوەتەوە. ئەو شیعرانە لە دیوانی چاپی ئەنیسیدا نەهاتوون و من هەموویانم لە چاپی جەعفەر وەرگرتوون. شاعیرەکان هەر هەموو خەڵکی ناوچەی موکریانن.
وەڵامی شاعیرەکان بە ئاواتیش لێرەدا دەهێنمەوە بەڵام بۆ ئەوەی خوێنەر تووشی سەرلێشێواوی نەکەن، ئەو وەڵامانەم بە پیتێکی وردتر نووسیوە و لە پەراوێزمدا داناون.
ئەو شاعیرانەی کە جێگەی باسی ئەم بەشەن، بریتین لەم مامۆستایانە:
１.سەید قادری سەیادەت (سەیید)، ٥ نامە لە ئاواتەوە و ٧ نامە لە سەییدەوە
２.عەبباس حەقیقی، ٤ نامە لە ئاواتەوە و ٥ نامە لە حەقیقییەوە
３. محەممەدی نووری، ٣ نامە لە ئاواتەوە و ٣ نامە لە نوورییەوە
４.خالەمین بەرزنجی، ٣ نامە لە ئاواتەوە و ١ نامە لە خاڵەمینەوە
５.سەلاحەدین ئاشتی؛ ١ نامە لە ئاواتەوە و ١ نامە لە ئاشتییەوە
６.سوارەی ئێلخانی زادە، هیچ نامەیەک لە ئاواتەوە بۆ ئەو تۆمار نەکراوە بەڵام ١ نامەی ئەو بۆ ئاوات بە دەستەوەیە
７. مستەفا ئێلخانیزادە، هیچ نامەیەک لە ئاواتەوە بۆ ئەو تۆمار نەکراوە بەڵام ١ نامەی ئەو بۆ ئاوات بە دەستەوەیە
８. هەروەها پێنج خشتەکییەکی قازی کاکە حەمەی قزڵجی لەسەر غەزەلێکی ئاواتیش لە کۆتایی ئەم بەشەدا دێت.
من هەموو ئەو نامە گۆڕینەوە شیعرییانەم کردووە بە ٥ بەشەوە و پێنج خشتەکییەکەی قازی کاکە حەمەی قزڵجیشم کردۆتە بەشی شەشەم دابەشکردنەکەی من بە گوێرەی زیاد وکەمیی ژمارەی شیعرەکانیانە:
１. بەشی سەید قادری سەیادەت (سەیید)
２. بەشی عەبباسی حەقیقی
３. بەشی محەمەدی نووری
４. بەشی خاڵەمینی بەرزنجی
５. سەلاحەددین ئاشتی، سوارەی ئێلخانیزادە و مستەفا ئێلخانیزادە
６. بەشی پێنج خشتەکییەکەی قازی کاکە حەمەی قزڵجی
چەند نامەی شیعریش بە فارسی هەن، کە لە بەشی شیعرە فارسییەکاندا دەیانهێنم.
لە کتێبی شاری دڵ دا، شیعرە کوردی و فارسییەکان تێکەڵ کراون. هەروەها شیعرەکان بە گوێرەی ڕێکەوتی ساڵ ڕێک نەخراون. هەربۆیەش ڕیزبەندیی شیعرەکان جیاوازن لەوەی ئێستای من کە فارسییەکانم جیاکردۆتەوە و بردوومەتە بەشی شیعری فارسییەوە و دوای ئەم بەشە ئەوانیش دەخەمە بەرچاوی خوێنەر؛ هەروەها شیعرەکانم بە شێوەی ڕیزبەندیی ڕێکەوت ڕێک خستوون و ئەوەش بۆتە هۆکار بۆ پاش و پێش بوونی هەندێکیان.
شیعرەکان لە چاپی ئەنیسیدا دەرنەکەوتوون و ئاشکرایە کە هۆکارەکەی دەبێ کێشەی ئاسایشی شاعیرەکان و مەسەلەی سانسۆر یەکیان یان هەردوکیان بووبێت.
بە داخەوە هەندێک لە نامەکان ڕێکەوتی مانگ و ساڵیان بە سەرەوە نییە و نازانرێت کەی نووسراون هەربۆیەش ڕێک خستنی ڕیزبەندییەکان ناتوانێ وورد و دەقیق بێت، هەروەها داوەری کردن لەسەر هۆکاری دەربڕینی بۆچوون و ڕاگەیاندنی ناو شیعرەکان زەحمەتە.
لە سەردەمی نووسرانی نامەکاندا ئاوات وەک وەرزێر و خاوەن مڵک لە یەک لە گوندەکانی قاقڵاوا و گەردیگلان و زەنبیل یان کانی بەن ژیاوە کە هەمووی کەوتوونەتە سێ کوچکەی نێوان بۆکان و سەقز و سەردەشتەوە.
بە گوێرەی سەرەتای کتێبی شاری دڵ، مامۆستا سەید کامیلی ئیمامی (ئاوات) ڕۆژی ٥/٦/١٣٦٨ ی هەتاوی (١٩٨٩ ی زایێنی) بە نەخۆشی، لە ماڵی ئاغا سەید تاهیری کوڕەگەورەی خۆی لە شاری سەقز کۆچی دوایی کردووە و لە گۆڕستانی "مەرقەدان"ی گوندی زەنبیل نێژراوە.
یادی بەخێر بێت!
دیوانی نوێی شیعرهکانی سهید کامیل ئیمامی (ئاوات)
نووسین و ئامادهکردنی: ئهنوهر سوڵتانی
شیعری ژمارە ٢٣٨تا ٢٤١
نامە گۆڕینەوەی شیعری لە نێوان ئاوات و سەیید دا
|
سەرجەم ١٢ پارچە شیعرن ٥ پارچەیان هی ئاوات و ٧ یان هی سەییدن 'سەیید' ناسناوی شیعریی سەید عەبدولقادری سەیادەت، کوڕی حاجی بابە شێخ و ئامۆزای ئاواتە. ژمارەی شیعری ئاوات و سەیید بەقەدرایی یەکتر نییە و هەر بۆیەش ناتوانرێت هەموویان لەگەڵ یەک و بەرانبەر بەیەک دابنرێن. هەروەها تاقە یەک شیعری ئاوات نەبێت ئەوانیتر هیچکامیان ڕێکەوتی ساڵ و مانگیان نییە. ئەوەش وای کردووە نەتوانرێت بە گوێرەی زەمەن پێش و دوای یەکتر بخرێن لە ئەنجامدا من هەر ئەو ڕێز بەندییە دەپارێزم کە لە دیوانی چاپی جەعفەردا بۆیان دانراوە. عینوانی یەکەم شیعر ئەوەیە: "نامەی سەیید بۆ "غالیب" و "ئاوات". غالیب ناسناوی شیعریی سەید محمد نورانی، شێخی زەنبیل و براگەورەی ئاواتە، کە ئەویش شاعیرێکی خۆش مرخ بوو.
نامەی سەیید بۆ غالیب و ئاوات(١)
"غالیب" و
"ئاوات" دوو شەم بوون و
دڵم پەروانەیەک
(لاپەڕە ٤٠٢ ی چاپی جەعفەر؛ لە چاپی ئەنیسیدا نەهاتووە)
*****
وەرنه سەر
سەرچاوەکەی چاوم که
سەیرانی هەیە
(لاپەڕە ٤٠٣ ی چاپی جەعفەر؛ لە چاپی ئەنیسیدا نەهاتووە)
******
هۆنەرێکی پیری وەک من،
کوا وتەی جوانی هەیە؟
(لاپەڕە ٤٠٤ ی چاپی جەعفەر؛ لە چاپی ئەنیسیدا نەهاتووە)
*****
ئەی
مەنبەعی فەیز و جوود، ئەی
شاعیری پڕمایە!
(لاپەڕە ٤٠٥ ی چاپی جەعفەر؛ لە چاپی ئەنیسیدا نەهاتووە)
*****
"قادر" بەخودا، ئەلحەق،
ئوستادی بەیاناتی!
(لاپەڕە ٤٠٦ ی چاپی جەعفەر؛ لە چاپی ئەنیسیدا نەهاتووە)
*****
من هاتم و تۆ ڕۆیی، تۆ
ڕۆیی و من هاتم قاقڵاوا، ١٣٣٩ی هەتاوی
(لاپەڕە ٤٠٧ ی چاپی جەعفەر؛ لە چاپی ئەنیسیدا نەهاتووە)
*****
ژیانی من
به دەرد و داخ و ژانه،
هەر به نێو ژینە
*****
دەمێکه
زەمزەمەی شێعرێکی تۆم
کاکه! له گوێ نایە
(لاپەڕە ٤٠٩ ی چاپی جەعفەر؛ لە چاپی ئەنیسیدا نەهاتووە)
*****
قادر! ئەمن ـ دەزانی ـ
عەسام گرت به دەستەوە (لاپەڕە ٤١٠ ی چاپی جەعفەر؛ لە چاپی ئەنیسیدا نەهاتووە)
*****
چوومه "قاقڵاوا" ماڵی
"ئیمامی"
*****
وەڵامی [ئاوات بە] شێعری ئاغا سەید قادری سەیادەت [سەیید](٥)
بۆ وەڵام هۆنەر دەڵێ: من
قامەتی یارم دەوێ قاقڵاوا، ١٣٦٠ی هەتاوی (لاپەڕە ٤١٣ ی چاپی جەعفەر؛ لە چاپی ئەنیسیدا نەهاتووە)
|